MC Elan 係朋友結婚用過，我覺得佢做得幾好幾Funny，就問朋友拎contact。我對佢嘅印象係覺得佢好識搞笑搞氣氛，見咗面一次就confirm。 佢係包埋做大妗姐角色，朝早七點就喺度。佢執生能力好強，因為我進場嘅時候冇咗音樂，佢即刻幫我清唱咗首《愛是這樣甜》，好犀利！同埋因為我進場之前要播成長片段但係播唔到，朋友都話返俾我知嗰段時間Elan都講啲好笑嘅嘢撐住個場。 其實之前我同佢講過因為lunch buffect比較混亂，所以怕唔夠時間影相，但佢就話佢喺度一定夠時間。不過最後因為中間有少少插曲發生，最後都係唔夠時間影相。但係整體嚟講，我好滿意Elan嘅service。