Vanson係朋友介紹，由於我婚宴分咗2部分，所以前段係斟茶、證婚同影相都係主要由Vanson幫手，而7-10半就同時有另一位司儀，係我朋友送俾我嘅付費服務。我覺得Vanson佢好好，因為其實一個場有2個MC都會有啲尷尬咁，但Vanson佢完全唔介意做助手，好配合另一位MC。 Vanson事前都問我好多問題，等我哋當日個流程可以順暢啲。所以我一開始都俾咗個list佢，話佢知邊個係要飲茶。我覺得佢控制人流控制得好好，全部賓客都可以影到晒相。佢又好細心，一見到我條裙有啲唔啱就會好快幫我擺返好。另一方面，斟茶嗰時佢講啲吉利說話令到啲長輩都好開心。我自己喺婚宴後都推介咗Vanson俾幾個朋友，希望佢都可以多啲生意啦！