我本身識攝師Eddie，不過就唔係好熟，但係我一睇佢啲相見係Magazine風格同型格路線，就覺得同我哋鐘意嘅好夾。 Confirm咗拍攝地點之後，Eddie自己會去事先視察吓個場地啱唔啱影，再向我哋建議。其實我哋都好信得過佢，所以我哋冇特登去睇個地點。結果佢帶我哋特登去到茶果嶺度影吓鐵閘背景，有舊少少的感覺，好特別。 搵Eddie佢影呢輯相包埋化妝同造型，所以佢可以幫我襯晒要嘅風格，連衫都幫我安排埋，我只係要去試衫，啲造型我都好滿意。嗰日我哋由朝早10點影到6點，佢同埋化妝師2個人攞咗好多燈同反光板，真係好勁，我都諗點解佢哋2個人可以攞到咁多嘢。我覺得Eddie佢真係每一個shot都要求完美，所以先咁重都帶晒咁多嘢去，好專業。另外佢又有教我哋點擺POSE同望咩角度，而輯相效果出到嚟真係非常好。