我喺facebook度睇過Camby佢哋嘅片，覺得啲片係比較陽光，而且佢哋啲片我段段都睇到喊，真係好感動，所以就決定揀佢哋幫手。同埋佢哋都好出名係拍住Kelvin Shot一齊做，我對佢哋都好有信心，所以同佢哋全程溝通都係message同電話，到見面嗰時已經係big day了。 其實Camby自己係老闆，平時係佢徒弟出馬，但嗰日佢徒弟唔舒服，所以由佢親自出馬，無喇喇upgrade咗！我覺得佢哋好細心，出去影外景時見佢哋都好辛苦，都仲幫我捧裙。佢哋又會男人老狗都2個人摟住嚟親身示範俾你睇想你點影，好用心。佢哋全程都好好笑容，同啲賓客都好打成一片，又有求必應！