我識彩姐係朋友結婚嘅時候請過，當時我係做姊妹，覺得佢做得好好，所以我都請返佢。我結婚前過大禮，嫁妝嗰啲唔識都係問佢，其實佢唔洗幫我做呢啲，但佢都好樂意解答，佢真係識好多嘢！ 雖然我結婚當日我出門時間好早，但佢都一早已經到。Big Day嗰日佢真係做得好好，口材好掂，而且我記得佢唱咗啲歌，好識搞氣氛。 記得當日我跌咗隻戒指落地下，隻戒指彈開咗，個戒指有少少變形，佢又即時幫我拎起，襯冇人睇到，又講啲意頭說話，又即刻幫我鍁返個戒指形，可能啲金比較軟身。佢即刻執完之後戴返落我隻手。 而夜晚擺酒，佢知道我好多茶斟，所以佢都特別早啲到，我覺得佢好好，唔計較！啲親戚以為我係好貴請佢返嚟！