我隻求婚戒指係喺國聯行度買，係我一位同事介紹我去嘅專賣鑽石嘅樓上舖頭嚟。當時serve我嘅係Stanley Chan ，我覺得佢服務態度好好。佢喺我講咗要求同budget後，就攞咗幾粒石俾我睇。其實鑽石都係好睇budget嚟揀大細、clarity同色澤，佢就好耐心咁解釋啲石點睇同埋每一粒之間有咩取捨。佢一啲都唔pushy，任我睇幾耐都得，又教我點樣睇吓邊度係有瘕疵。第一次上去時我決定再格吓價先，當時唔即刻買，Stanley佢都無咩嘢，態度好好。 我都睇多咗幾間格咗價先再返去買。比較過其他店嘅石，平衡完唔同嘅考慮之後都係覺得國聯行嗰度鑽石嘅性價比最高。我最後買嗰粒係1.32 Carat，色澤D，Fi2，連托$68000。佢嗰度可以直接只係買石，但見有一條龍服務可以做埋戒指托就直接喺嗰度處理埋。呢間舖真係真材實料，如果重點係想搵好嘅鑽石就真係上呢啲樓上舖會好過去啲大舖。