化妝師係我舊同學，做咗呢行6、7年，之前我朋友結婚，介紹咗Maggie俾佢，我見到佢化得幾好，轉妝速度又快，所以自己結婚都搵佢。 佢除咗試妝之外都有試頭，我結婚前一個星期再confim髮型，佢令我髮型睇上去好唔同，我都好滿意。其實我要求嘅化妝效果都係唔想化到其他人唔認得我，咁佢都好輕手，好聽我意見，我想要嘅野佢都俾到我。而big day前，佢都有問我著咩衫，特登襯返我衫既色，然後前一日佢就去咗買鮮花，配返頭飾、花環比我。 其實我big day個日我哋都有幾多甩漏，我自己都有少少炆，然後我嫌我個妝太淡，Maggie安撫到我之餘，亦安撫到我媽。