文禮律師行
Munros Solicitors
5

客戶評語

szewa320
5
精選評語
服務 / 婚宴日期: 2017.03.26
證婚律師我搵左文禮律師樓嘅戴秉信律師,我搵佢哋係因為有同事用過介紹。咁我自己之前都有揀過嘅,見有啲律師上嚟可能淨係做證婚,但呢一位我見佢會做埋少少好似MC咁嘅性質有啲故事性演繹,所以就揀左佢。我覺得佢嚴謹得嚟帶點風趣,風趣得嚟都係有要求嘅。例如好多律師時間都爭分奪秒嘅,但佢都安排到一個婚前嘅prem...
證婚律師我搵左文禮律師樓嘅戴秉信律師,我搵佢哋係因為有同事用過介紹。咁我自己之前都有揀過嘅,見有啲律師上嚟可能淨係做證婚,但呢一位我見佢會做埋少少好似MC咁嘅性質有啲故事性演繹,所以就揀左佢。我覺得佢嚴謹得嚟帶點風趣,風趣得嚟都係有要求嘅。例如好多律師時間都爭分奪秒嘅,但佢都安排到一個婚前嘅pre meeting,好似一個workshop嘅形式教我哋好多細節位,好似揭頭紗、誓詞或者場地要注意嘅地方等等。但係我哋booking個時間已經過左個workshop,咁佢都安排左個meeting比我哋係半個鐘至一個鐘嘅,咁我都幾surprise,覺得都有好大嘅得著。個meeting當中都有好多細節位佢會問,例如我哋平時點樣稱呼對方。開頭我諗住讀誓詞望住佢張紙讀咪得,佢就同我哋rehearsal一次叫我老公讀一次比我睇,咁我就發現咁樣會冇曬交流好似對住張紙發誓咁,咁我就get到點解誓詞要背。 同埋我覺得佢係個好有時間觀念嘅人,我係facebook都見佢好多時會預早半個鐘至一個鐘到個場地,甚至仲早過對新人到會場幫佢哋睇個場,打風落雨都會預埋塞車啲時間。 去到正式當日其實我係背到個誓詞,但係我老公就唔係好背到,其實個刻我係有啲嬲嘅。但係戴律師就叫左我老公出去,教佢誓詞有邊啲位係一定要有,但其他其實大概講到就可以。咁一嚟就平息左我個刻嘅怒火啦,二嚟出嚟個結果其實都唔錯,我覺得佢有即場拆解問題嘅能力。另外好多細節位佢都會幫我哋執得好好,例如會提我哋自己準備好兩支筆,因為唔知酒樓啲羽毛筆會唔會咁啱冇墨。我覺得佢講嘅說話真係好有經驗好有道理。 同埋佢都花左好多時間聽我哋個love story,又氹得啲老人家好開心,有啲位做得仲好過個MC。好多時候佢好記得我哋講過啲細節,好多人甚至問佢係唔係我哋嘅friend嚟,真係值得激讚!