LEO係堂哥介紹，因為佢結婚係有用過佢，覺得佢影得靚，咁佢refer比我就朋友價。佢都有比我睇佢啲作品，我地最主要都係想睇下個感覺，睇下我地鍾唔鍾意。 我地去咗studio同城門水塘影，揀呢兩個地方，係因為我同我老公都係做戶外活動既人，所以我地就覺得如果影到山就好喇，城門水塘係佢推介我地去既。揀衫方面佢都好free，都係比返我地自己決定，但係佢都有提議我地都唔洗太多小道具，因為重點係影人，情願我地搵啲對我地有特別意義既野好啲，咁反而會有意義啲。因為我就好鍾意胡迪既，咁我就帶咗隻公仔入鏡。個日夜晚，個天都黑曬，都有影相，但效果就唔係好好，唔知係帶唔夠燈定點，最後出到黎夜晚既相就唔係太好，講真佢得一個助手，唔知係咪因為咁樣limit咗佢帶既器材。 不過佢係好認真既人，佢為咗影得靚，佢托咗我上一棵樹上面，影出黎真係好靚，唔似香港。