我家姐之前結婚用Christy，兩家人都一致覺得佢好好，所以我妝都無試就搵佢。 佢化妝真係好快手，妝換妝只係20分鐘就搞掂，真係好快，妝又貼，最重要係講嘢好好，哄得老人家好開心！佢Big day全日都係我隔離，比如個陣其他人玩緊新郎，本身我已經化完妝，佢已經無野做，但都唔會玩手機，反而係隔離幫我整花圈。妝容個個都話好襯我個人，唔會話好濃。髮型都好好，夏天都keep到全日唔會笠。之後好多朋友都想book佢，但佢真係好full。 有樣野我覺得好貼心係佢Big day前佢會得登去旺角買鮮花整頭飾，雖然呢樣都係佢自己時間，但佢都唔會收我地錢，同埋會主動話我地聽佢到邊度，等我地唔洗擔心。