我係經Bart Ko搵到Carrie Leung，本來我係揀Bart Ko旗下既另一個化妝師，但咁啱我個攝影師係夾開Carrie，同Carrie好夾，但我又已經比咗錢比之前個個，不過後來Bart Ko知道咗其實Carrie都係佢旗下既化妝師，就比我轉Carrie，唔洗我double比錢，處理得好好，唔會令我覺得難受。 原先我一開始搵Bart先，但我老公就唔想我比男人化，覺得唔方便，就轉咗，Carrie都好ok。我覺得Carrie超級好，我當日又overrun，好多人影相，我本身有一套送客既衫，但無時間著，咁我就著住敬酒個套踩到最尾，但Carrie一直企係個化妝間門口等我，佢以為我仲有另一套衫要換，但係其實個陣佢已經可以走，佢企到我個banquet manager話比我聽話我個化妝師仲係度等我，我先一言驚醒，然後我就跑返去叫Carrie走，其實佢一早就收咗錢，雖然已經十一點幾都仲等我，連我個banquet manager都話未見過一個化妝師跟得咁足！佢成場由我踏入酒店開始，個化妝師都係無離開過我一米，我就算有一條頭髮跌落黎佢都即刻幫我執返靚，跟住我介紹咗原班人馬比我個伴娘結婚！！ Carrie化妝化得好自然，因為我平時都係素顏既，都唔想太濃，然後又幫我老公gel咗個頭，直情係連我老公媽咪都叫佢日日gel返一樣既頭，話無見過佢咁靚仔，哈哈！