(皇潮滙 - 九龍灣) 因為我爸爸之前係呢度做嘢，所以佢都想我係呢度擺酒，一來可以平啲，二來會跟得足啲！其實我都有諗過其他酒店，但後來因為價錢或者評語既影響所以都係揀咗皇潮匯。 雖然我個日無乜點食嘢，但之後我係親戚朋友口中聽到話真係好耐未試過係一場飲宴度食得咁飽同埋咁多嘢食，仲要打包添！然後佢地都讚個場地闊落～佢個舞台本身有個backdrop，成個都係花花，好吸引，仲有好多水晶燈，省咗一筆deco費用。另外，個新娘房都幾大架！我啲姊妹同媽媽仲有化妝師都入到黎，仲有個廁所係入面！不過佢地點就唔係太方便，要搭shuttle bus，不過除此之外都好好！！