佢係我big day化妝師介紹比我既，之前睇個佢D作品，都拍得幾好。因為我擺下晝，所以無得早拍晚播，暫時未有得睇。我最想講呢係成team人都好pro同耐性，又有禮貌。特別係個攝影師，叫Koby，佢好有heart，講嘢講到沙哂都比意見我。最記得係我有個姊妹佢個繡花甩左，大家叫緊點算個時，Koby 諗都無諗就已經執起左幫佢戴翻好，但呢樣嘢其實佢唔需要做既，但佢真係細心。Big day 完左，我仲有額外比錢去再影埋外面，佢又係表現得好著緊，每一張相既燈光，角度都係好肉緊叫個助手配合佢，好上心每一張相。