Alisha & Lace Hong Kong
4.5
香港銅鑼灣百德新街51號華爾大廈3樓B室
2554 5866

客戶評語

sweet2017
4
精選評語
服務 / 婚宴日期: 2016.11.27
我揀婚紗既時候係Dubai住,係個度唔興租婚紗,興買既。雖然我當時都知道即將會搬返香港,但我都有係個邊睇住先,咁啱見到條我好鍾意,就影咗相。後來返黎香港,都係主力睇啲買婚紗既店舖,但我本身睇啱既個條裙個brand香港係無既,得美國同英國嗰啲地方先有得買,本來我諗過叫朋友係美國買返黎,不過最後都冇。我...
我揀婚紗既時候係Dubai住,係個度唔興租婚紗,興買既。雖然我當時都知道即將會搬返香港,但我都有係個邊睇住先,咁啱見到條我好鍾意,就影咗相。後來返黎香港,都係主力睇啲買婚紗既店舖,但我本身睇啱既個條裙個brand香港係無既,得美國同英國嗰啲地方先有得買,本來我諗過叫朋友係美國買返黎,不過最後都冇。我其實就唔太鍾意香港啲舖頭試婚紗要比錢,有啲仲限住試幾多件,而且因為我既身型就比較curvy,所以香港婚紗就唔係好多啱我呢種身形既女仔著。之後俾我見到Alisha,我見佢啲款就比較特別同性感,所以就上去睇。 佢個陣啱啱開咗無幾耐,啲staff都好nice好啱傾!佢會拎覺得適合你既衫比你任試,唔會限你試幾多件。我好直接話我係Dubai搞婚禮,所以我都唔會係租三日兩夜咁短,而係一段時間,而佢地都話價錢都唔會平。雖然我試咗一個鐘,但其實都唔係好岩。由於我wedding係西式既,唔會著褂同晚裝,只要一件婚紗就ok,所以我就拎咗我係Dubai影咗啱心水既個件婚紗既相比佢睇,問佢地有冇差不好既款。出乎我意料,佢地竟然話佢地台灣有廠,好willing話睇下可唔可以幫我做出黎,其實我得幾張相,所以佢地做出黎都唔係話exactly一模一樣,但我都已經好滿意~~而且價錢其實仲平過我叫朋友係美國或者係Dubai買。 之後再問下其他option,佢話佢地願意做完條裙租返比我,唔一定要我買,因為其實條裙係好大條,我都覺得其實買完返黎都係擺係屋企,平時都好少話會拎出黎著,所以我最後都係決定租instead of買咗佢。雖然咁樣既價我覺得一定係貴過租裙,但at least係我自己鍾意既款!雖然係做既過程入面好煩覆複,因為佢經常會係台灣拎啲布同製成品黎比我睇。當然過程中有時候係wrong direction,中間有一次係條裙做出黎個身形唔啱我,佢地就即刻將成條裙再拎返台灣整多次,個陣係新年,但佢地都即刻幫我整。而且designer Alisha仲係台灣飛過黎,拎我條裙過黎比我,覺得佢地真係跟得好足,同埋佢地態度都真係好好!