我係婚展到join,我同我先生去左沖繩影既。個時個攝影師係到講解，都好pro, 講得出d景點，證明有做功課。上去試衫個女仔叫Quennie都係好nice好好笑容。出發前一日，因為屋企有事就遲左出發，狀態一般啦，但諗住之後有得執，所以都ok。 去到睇相個日，已經係換左人serve我，都擺明係sales黎，然後呢，佢一直唔講d相點收費囉，真係海鮮價得好緊要。重要d相影得好差，話影左1000張，但比我睇得500張，比我揀得既都唔係好靚囉。影個時感覺好有heart,但出黎結果都唔靚既，例如影教堂，但cut左個頭咁影黎做乜？我真係揀唔落手。個化妝師Ｄ手勢真係唔好，所以我更加唔開心。佢個package唔係貴，但佢個額外收費真係好貴。Ｄ相收費係$250-$300蚊一張，最後Ｄ相因為真係一般，所以真係揀得十幾張。佢呢間公司標榜係台灣公司，所以台灣執相同排版，但係寄翻黎要比$500幾蚊運費，所以真係好嬲。仲有一個point係，佢標榜係幾pair新人一齊去，然後share翻個攝影師同化妝師嘅酒店同機票錢，點知最後得我地一pair，有Ｄ覺得比人呃左咁，好似我地出晒Ｄ費用。