我係幫襯咗佢big day shoot, pre-wedding shoot，化妝，同埋big day & pre-wedding租衫。 因為我join間酒店(千禧新世界)本身個package包咗Chris Ling既，佢地Ｄ相都係我地想要style，而且傾落覺得幾啱所以就join咗。而傾個時，佢地一路都好好，好positive。 影pre-wedding當日，攝影師Andrew同個化妝師Vincy都好專業，我好滿意，所以我big day都搵翻佢地！我地當日影咗全日，朝十晚八，去咗數碼港，西港城同高街影！Ｄ地方係我地自己揀，因為佢都鼓勵我地揀Ｄ有故事性同有紀念價值地方影！出來Ｄ製成品我都好滿意，我地揀相個數係多過包個Ｄ！佢執相技巧都唔錯，我同我先生都係中意簡單Ｄ既，所以都無話要加Ｄ花巧效果！個相簿紙質都係高質清楚既，唔易爛！我好記得當日天氣好熱，攝影師出晒汗，之後又落雨，佢地完全唔鍚身，企係水tum地方幫我地影，側邊又好多車經過，真係好欣賞佢地！