我係一年前多Ｄ已經搵化妝，我試左一次妝就揀左！其實Ｄ朋友話試妝個個技巧差唔多，最重要係搵到個夾既，個日Big Day唔會嘈交就ok，咁所以就揀左！結婚前一個月就開始傾會著乜衫，個地方個theme係點，然後會有無Ｄ咩妝想要！Big Day個日佢既服務係比我想像中好，佢一早準備左一個鮮花花環比我，然後又有早到，佢好細心既位係我個日件婚紗改完都係比較鬆，佢之前已經提左我帶定個nude bra just in case，當日最後真係要用，佢就要即時再幫我pin過件衫，又教我老公點揭頭紗！Big Day個日total換左6個妝，佢都好快手！髮型方面我一早講左我想要賓一條側辮然後戴個鮮花花環，佢個日就咁啱買左我最中意既紫色同埋逐個圈勾個花環比我，我本身頭髮比較薄，佢又帶定假髮比我，好細心！