(彩福喜宴 - 大埔店) 彩福喜宴有埋婚禮服務，包括租衫，證婚律師，司儀，wedding planner等等嘅服務，雖然要俾錢，但套餐價錢好優惠。 呢度場地環境唔錯，整體黎講都ok。餸菜方面聽返媽咪賓客講，質素都好嘅，啲員工同部長都幫得手。我哋係喺婚展有了解過，知道咩價錢之後同屋企人商量完，之後就直接去落訂。場哋陳小姐係專係主理婚宴，亦都係當晚跟住我嘅經理，要讚一讚佢好幫得手。不過，場哋嘅螢幕就比較差啲，唔係好sharp，係裝入牆嘅。本來我哋有諗過想搵公司做佈置，但係因為場地電視唔搬得走鑲死左，只可以拉埋布簾，所以不可作另外佈置，我哋唯有淨係用返佢哋本身比較簡單嘅佈置。