(煌府婚宴專門店 - 元朗店) 喺元朗煌府擺酒係長輩嘅意思，其實唔係我哋想要嘅，不過因為好多長輩住天水圍、屯門、元朗，比較方便老人家，就揀咗呢間。之前有個uncle嘅女喺嗰度擺酒，話試過佢食物嘅味道唔錯，同環境都ok，所以就揀呢間。本身我哋都係想就埋啲同事朋友放工嚟飲，不過就尊敬返長者，以佢哋為先。路程係遠嘅，我自己返工係返觀塘，我自己住天水圍，對同事嚟講都真係遠，老細都俾啲同事早少少收工入嚟飲。因為我都有講過苦處，所以佢哋都好配合。