其中一位姊妹嘅朋友結婚時揀咗呢間，用過都覺得OK，之後我都上去佢地個page到睇過啲款，佢啲款都係紗為主，都夾到我vintage嘅風格。老闆娘好好人，雖然成日full booking，但我地第一次去試衫果陣，佢都畀足時間我地慢慢揀慢慢拼唔同嘅款。佢啲姊妹衫可以隨意任拼，姊妹們最後揀咗白色背心lace襯淺紫色紗裙，腰再襯一個淺紫色嘅蝴蝶結。 第一次試完衫度完身，就等佢整好啲衫再去試身，不過中間隔咗差不多兩個月先完成，中途要我不停催促，都擔心會趕唔切，最離譜第二次去嘅時候啲顏色配搭完全唔同，其中一位姊妹嘅size更加完全唔岩添！後來要求佢改返岩，唔知點解又好快完工，好搞笑！ 而且改大細方面我都覺得佢地唔多準確，可能因為個老闆度身太倉促，碼數來來回回改咗幾轉先OK，麻煩咗啲姊妹要行多幾次去。