(尖東幸福中心店) 佢可以比我包場，唔使間場，本身喺婚展傾話10圍就包得場，但turn out我係擺左26圍既，一圍大概$7300! 傾既過程就正正常常，會有個經理跟足你全程！個場其中一個好地方係無柱，所有感覺好大！ Ｄ食物聽翻屋企人講都話好食既，不過係個乳豬有Ｄ賓客反映咸Ｄ，有Ｄ話ok，有Ｄ就覺得有朕膻味，其他都ok! 我個日都會有個姐姐assign左比我，佢會扶我，擺好條裙個Ｄ咁！ 不過可能佢地係比較傳統既酒樓，所以會比較著重規矩，但其實我同我先生唔係好著重Ｄ儀式，覺得簡化都無問題，例如我Ｄ朋友唔係專業mc，佢地個時就會指導多Ｄ我朋友應該做Ｄ乜，而我其實覺得可以簡單Ｄ既！可能佢地驚無做Ｄ乜就會得失到客人，但我覺得係無乜所謂既，因為個潮流已經唔同左！