咁我同我先生都係住荃灣，咁睇左其他場，發覺服務態度一般，再睇完呢間就覺得個場性價比都唔錯，個場Ｄ柱係唔會遮住，我地擺左23圍都ok，個decoration又本身係用花做左主題，個場有埋間玻璃屋，可以比我們用埋黎做證婚！Ｄ經理態度都好好，我擺酒個日係年初四，所以好多嘢都預先confirm，佢地都肯早2日比定間房我地放extra decoration既嘢先~親朋好友都話Ｄ食物夠熱同好食!不過事後我Ｄ親戚話我知當日其實無開咁多酒，但係最後剩翻2-3支酒係無開，同埋有Ｄ開左既酒有親戚想打包佢地話唔得，但個Ｄ侍應其實未問過我，咁少左既酒我地就估可能佢地本身講話送比我地既酒無拎出來！