咁我就想揀間比較大型Ｄ既公司，因為認受性會高Ｄ，同埋對比起Ｄ細公司來講我唔會擔心佢可能會執笠呢個情況，覺得係老字號所以就揀左佢啦。 攝影師都好熱情，同埋會話我知擺咩姿勢同埋唔同地方影相既特色係點，我地就大部分時間都係studio影，夜晚就去左中環電車路影。中間有Ｄ空檔，攝影師就好好，佢提議話唔好晒左Ｄ時間就帶左我去上環碼頭影。 Mona Lisa 個studio Ｄ景都係經典既款，包括係樓梯位同埋好grand 既玻璃門！助手都好細心會不斷幫我換鞋，擺裙擺，我覺得服務都好貼心。化妝都好滿意，因為佢會先話定我知點化再落手，出到來效果都一樣。 咁揀相個到基本都調左色，我地都揀左好耐，因為D相好多都好靚，要揀70張真係好難揀！我地另外都upgrade左個相簿同油畫架，因為睇左個水晶架同普通架既分別，例如係唔會發霉，之後佢地都waive左我一Ｄ額外調色既錢！ Overall佢地都幾好，不過如果佢地可以早Ｄ同我地講一Ｄ要加錢既items會更加好，例如係油畫架，雖然唔係逼我地買，但係買package前講定就會感覺好Ｄ！咁因為今次影得幾好，我黎緊六月去布拉格影都係搵佢地。