我喺睇FB搵到Maggie，請佢幫我big day化妝。當日佢好準時，而且全日無離開過我半步！嗰日我大約係換咗4個髮型同5個妝，全部造型我都好滿意。佢會根據我嘅性格同就住我搵咗俾佢嘅資料去篩選返啱我嘅妝。 我好印象深刻嘅係嗰朝因為佢忙住幫我哋化妝，趕到無時間食早餐，最後佢幫我地處理晒啲妝之後先躲喺衣櫃隔離度食，唔想阻住我哋拍攝。其實佢咁趕完全唔係因為佢唔準時同手腳慢，而係我啲姊妹同親戚俾另一啲化妝師化完之後，有啲屋企人嘅妝同頭唔係太滿意，就去搵Maggie求助。雖然Maggie只係需要負責幫我化，但佢都有幫大家執執，所以見到佢為咗幫我哋要縮埋一邊食早餐，真係好唔好意思！多謝晒Maggie！