Angel係我老公既朋友，知佢本身做mc就搵左佢幫手，臨結婚前3個星期到就約出來傾，佢就比左個rundown我地，叫我地將我地有既內容執落去，有少少做埋wedding planner 既角色，佢plan得好舒服。 而且佢主持得好又講得笑，我Ｄ朋友第一個讚既就讚佢，有Ｄ執生位例如向四大長老斟茶有咩甩漏同埋叫人影相等，佢反應得好快，Angel 仲會幫我地，搵埋已揀好左既歌既link播放，又會建議我地玩小小問答令氣氛更加開心。佢個日由5點去到夜晚散席，仲幫我除埋金器。 Overall我地唔係因為識先搵佢，係因為女司儀比人感覺開心好多，而男司儀除非好似呀Bob咁，否則就會變左比人lead住，而且仲可能化完妝靚仔過我老公，所以都係女司儀比較好。