一開始我哋同TRAFLORA話我哋有興趣搵佢哋做deco，跟住就約出嚟搵間餐廳傾下價錢個range，又問吓佢可以做到咩package比我哋。Serve我哋嘅Tracy，俾我哋個感覺幾舒服，而且好professional。睇完場地之後，佢同我哋講話佢好欣賞個場，之後又比左好多option我哋做reference，等我哋可以慢慢再睇。睇佢嘅proposal嘅時候，我哋覺得佢都幾有idea同design sense，你會睇到佢成個場地布局入面個idea係點樣，even你睇個presentation都大概imagine到係點樣同埋已經都幾精美。同佢work你會覺得呢個人好reliable，佢比嘅意見你係信得過，真係一流！ 嗰日佢哋１好早去左set場，Tracy都有親自去睇下個design或者decoration最後出到嚟係點樣，因為我哋之前都同佢溝通過有咩detail位想留意多啲，或者邊啲位係我哋介意嘅要執執佢。有時同其他staff講未必臻善臻美，但Tracy佢就有一直幫我哋睇住啲deco，所以整體做出來個效果都幾靚！對於Tracy服務嘅真係好滿意。 我哋揀色布要揀顏色，但我哋冇時間親身去睇，所以就講咗我哋prefer咩嘢feeling，Tracy影咗相比我哋睇，佢就make咗decision，幫我哋搵左隻顏色。一開始睇未係好符合心入面嗰隻顏色，但出到嚟個效果係靚嘅，我哋就已經好足夠。最初我哋諗係咪應該要ready色板，但白色都可以有幾十隻顏色，Tracy就用佢professional judgement處理曬其他嘢，所以整體嚟講都係滿意，非常之好！