AsOne
5

客戶評語

ipjustin
5
精選評語
服務 / 婚宴日期: 2017.12.16
呢隻戒指係我同我老公自己一手一腳dup出嚟,其實冇咩設計,佢都有好多款比你做參考,當然你有自己嘅設計你都可以自己dup一隻戒指出嚟,但我哋就冇咩天分,所以係網頁揀我哋鐘意嘅款式,跟住自己親手做隻戒指出嚟。由燒條鐵開始,到dup成一個圓圈,然後打磨,有成十個工序,你自己整一隻結婚戒指出嚟,好有意義。我...
呢隻戒指係我同我老公自己一手一腳dup出嚟,其實冇咩設計,佢都有好多款比你做參考,當然你有自己嘅設計你都可以自己dup一隻戒指出嚟,但我哋就冇咩天分,所以係網頁揀我哋鐘意嘅款式,跟住自己親手做隻戒指出嚟。由燒條鐵開始,到dup成一個圓圈,然後打磨,有成十個工序,你自己整一隻結婚戒指出嚟,好有意義。我有個前同事結婚都係去呢間去做咗隻戒指出嚟,嗰陣我見到佢同佢老公整戒指啲相,所以我就上咗嗰間公司網頁睇,知道佢有呢個服務。我覺得價錢幾公道,我嗰隻係玫瑰金,我老公係白金,我哋一對都係九千幾蚊,我覺得佢呢個價錢仲算mark得比較低,同埋自己參與真係好有意義。 呢間公司主要比人自己做戒指,首先要預約,同一個時間只得一兩對couple,不過嗰日淨係得我哋,去到後尾差唔多完成個工序先有第二對couple,所以全程會有個師父跟住你每一個step,教你點樣做,當你做得唔好唔洗擔心,師父會幫你補救,所以你對戒指一定係無問題。佢哋解說非常之耐心,例如有咩款式會逐個逐個同你講解,戒指嘅花紋原來都有好多唔同品種,例如一條實線壓落隻戒指、一條虛線壓落隻戒指,點樣配搭啲紋,可以做到咩效果,佢會解釋曬所有嘢比你聽,等你自己慢慢去揀。戒指盒都好大方,好靚。 老闆叫Hansen,佢有個男助手。佢哋服務真係好好,可惜唔夠出名,自己親手做戒指嘅工場好多,但好似佢哋物料提供玫瑰金同白金,我自己做過research,好似得佢哋一間。我覺得真係好啱新人去整,真係好有意義,係出面周大福買一對戒指都要過萬蚊。