我prewedding同big day都係搵馬丁光影，而prewedding深刻啲，所以就寫prewedding啦！我覺得佢啲相比較自然流露，唔會擺晒pose嗰種，係我比較鐘意嘅風格。因為我有個朋友嘅朋友識佢，所以就用呢個方法聯絡佢。第一次見面主要係傾吓計，講返自己喺咩人同想要咩風格。同佢傾落覺得都同自己想要嘅嘢相似，所以就決定book佢。 我哋prewedding去咗南法嗰度影相。啲衫佢千叮萬囑我哋一定要send俾佢睇先好決定 買或租，因為佢怕我買咗唔啱style嘅衫，亦都send咗幾張佢想要咩style同風格嘅衫俾我哋睇，我哋就跟住去搵。佢叫我唔使買咁貴，上網淘寶買或者著出嚟靚就得，所以我哋都只係買咗好平嘅衫。 到prewedding，我哋喺巴黎會合，佢就揸車同我哋出去影相，同行仲有另一對couple。我知佢有啲tour連埋化妝師，但我呢個就唔係。佢介紹咗個化妝師俾我，我就自己另外俾錢化妝師包佢跟埋我去trip。成個過程佢揸車去到邊就影到邊，去到邊佢覺得靚就叫我哋落車影相。當時嘅季節有太陽花同薰衣草，影出嚟都好靚。其中有一個地方有最有印象，就係揸揸吓車見到有個好似廢墟咁嘅地方，有啲黃色嘅草同廢古堡。對我呢啲普通人嚟講就覺得只係好大塊黃色草地無咩特別，但佢叫我哋落車影出嚟真係好靚，我都好鐘意嗰度影啲相！ 返到嚟佢都好快手執好相俾我哋，唔會拖相，大約有四百幾張執好嘅，係佢自己揀的。我哋要揀嘅只係揀落相簿，相簿出到嚟都好靚。不過我覺得佢應該太忙，prewedding多啲時間有咩要求方便提出，到big day嗰排佢真係好忙，就好難contact佢再仔細傾到底嗰日想影邊啲位。例如我結婚嗰日迪士尼包咗個蛋糕，我自己另外都訂咗個，自己好忙又無提佢，佢又無特別問，所以我個另外嘅蛋糕佢就無影到了。呢個位就有少少遺憾，但都好在有另一位photographer幫我影咗。但其實overall馬丁光影啲相都好靚，我係非常滿意的！