孫耀威兩公婆真係好親民，親自幫我試衫，佢有個同事叫Kenneth都好好。Final fitting嗰陣有件新衫，佢問我試唔試，嗰件衫好正，全件都係銀色，試左出嚟又幾好睇，佢話冇人著過，我係第一個著，佢啲衫都好啱我size，基本上唔駛改。服務態度好好，環境好舒適，佢哋係美麗華樓下，都幾方便。之前係商場訂左件恤衫，但係唔okay，臨時臨急幫我訂另一件恤衫先解決到個問題。 另外我覺得試衫出嚟個位唔夠private，行商場嘅人望到你，如果間開少少會好啲。整體嚟講佢嘅服務同價錢係值得嘅！