其實嗰時我搵big day 化妝喺facebook度睇咗唔少，之後一連串send message去問咗成十間。不過好多覆返都冇期，而戀妝就覆咗有期，咪去試妝。試妝個時間都好快，試完後覺得係可接受。雖然初時覺得只係可接受唔算係okay，但自己一年前一年後鐘意嘅嘢同潮流都唔同咗，加上我又睇多咗關於化妝嘅嘢識多咗同去完pre-wedding後知多咗自己鐘意咩，就再去搵佢傾傾轉妝。我同佢講想因為想轉妝所以想試多次妝，佢都okay！Big day當日佢嘅時間得掌握得好好，例如我四個字要化好個妝出翻嚟，佢都可以做到，而佢個助手相對上就唔夠helpful。唯一有樣唔係咁好嘅係夜晚佢哋冇幫我媽咪補妝。可能係朝早時間比較緊張啲，助手可以幫吓佢化，去到夜晚嗰助手冇翻黎，於是Annie顧住照顧我，就冇幫到我媽咪補妝。我唔知係咪安排上嘅問題定係我誤會咗，因為之前佢都話送一個妝，我就諗住夜晚助手會喺度幫手，照顧埋我媽咪個妝。不過除此之外，Big Day嗰日嗰妝化得好好，好多人讚！