Rosy décor負責左我地兩個backdrop，一個大既係台上，另一個細既就放係出面reception比人影相用。我地個大backdrop嘅設計偏向簡單，以藍色為主，有Ｄ花同兩隻雀，主要都係我同我先生搵到d reference再改少少比佢地睇下係想要咁嘅設計！除咗backdrop佢個package仲包埋整reception table，證婚枱個Ｄ。佢地Ｄ擺枱既裝飾都算多，我地主要揀左Ｄ金色、雲石同埋花花花。其實我地當中都來回改左幾次，第一次我地比左Ｄ idea佢地，但個設計就麻麻，所以之後就叫佢地再改，佢地都肯，都算幾易話為！不過佢地自己設計Ｄ款就偏少，要我地比多Ｄ idea先設計到，所以如果佢哋可以多Ｄ創意就更好！！！！