因為我地本身識人喺陶苑做，所以就好快決定左係陶苑擺酒，整個溝通接洽過程都好舒服好快。到左Big Day 個日，佢地本身話過會送一個即影即有嘅photo booth俾我地，但係當日就無尼到，於是我就去問吓個經理。嗰時佢先發覺係有包尼個服務，就即刻打俾個攝影師叫佢過尼。打完電話後大概15-20分鐘，攝影師就到左，都算好快咁解決到。雖然係遲左小小開始，但係都好多賓客影到相。食物方面都滿意，賓客們講返都話D野好食。場地都好舒服，因為個場本身擺到30圍，但係我就只係擺左23圍，所以空間都唔算迫，就算set左candy corner, 同photo booth 都仲有空間。