我地想要有草地嘅場地，所以就揀左尼個地方。其實我地之前都諗過去數碼港，但可能因為我地係1月1日比較旺嘅日子，嗰邊就無期，於是就揀左顯達鄉村俱樂部。佢地fix死左得第一個package，所以都無咩野需要揀，decorations可以再提供多D唔同選擇就更好。 有啲可惜嘅係我哋覺得實際情況同想像嘅有落差，睇相就覺得好好，綠油油咁，但係結婚當日去到啲草就有啲禿，唔知係咪因為冬天凍。預訂嘅時候佢地都無特別提到啲草會有呢種情況，不過我地都知自己係冬天結婚，心裡面都預左可能會有尼個問題。另外唔知係咪因為我地結婚嗰日係假日，佢地啲員工感覺都幾懶散，叫佢一樣佢先做一樣，真係唔夠主動，唯獨係收利嗰時先最醒目！之前同我地講解場地使用同婚禮流程嘅人好nice，同埋講解得好充足，我地需要咩要求都配合到，不過佢宜家好似無喺嗰度做了。