我哋會揀呢間係因為佢地專做同竉物一齊既攝影，例如會做啲效果影到隻狗好大但個人好細嘅相，我地希望可以同隻狗影吓呢類嘅相，留多Ｄ回憶。 影相嗰日我地去左彭福公園，因為呢輯相我地想casual為主，就自己帶翻Ｄ情侶衫去影，化妝以簡單為主。攝影師會用嘢食去吸引我隻狗望鏡頭，同埋我隻狗都聽我話，所以攝影過程都算ok。出到來Ｄ相好搞笑，會有我拉住隻狗，而攝影師就影佢跑過去我老公既相。呢個鏡頭其實都NG左幾次，因為我隻狗有時會跑歪左，攝影師會覺得唔靚，要再試過，所以我覺得攝影師要求都幾高，而Ｄ相出到來當然好靚！因為佢地淨係包印15張相，同埋比soft copies，所以價錢相對好多婚紗攝影就平Ｄ！