之前睇過我哋朋友喺呢間台灣攝影公司影嘅結婚相都覺得好靚，而台灣啲景都會靚啲，所以都無點比較過就揀左佢地。 我地去到台北影相係自己租車四圍走。影相嗰朝一早5點去到佢哋嗰度，化妝師已經好好咁準備好哂啲野等我地。不過可能因為係女化妝師，所以對於點樣幫男生執執個樣就未必太擅長。佢地嗰度包埋租衫，免費嘅男裝就唔算好多款，女裝都算夠多嘅。當日我哋出發去影嗰時落大雨，不過岩岩好我地去到山頂就停左雨，啲雲亦開始慢慢散開，所以我地把握時間影相。攝影師都好好，好專業咁指導我地點樣擺pose，感覺都好舒服，好似朋友咁。 揀相有大概個幾月時間，都足夠，不過始終因為間公司喺台灣，我哋要係dropbox到睇相就有小小麻煩。同埋因為佢地係細公司，所以規模同人手都比較少，booking又好full，影相同執相都係佢地，所以過程就會比較慢。同埋我地主要用facebook messenger溝通，可能因為新人多數都多問題又喺用同一個途徑聯絡佢哋查詢，變左我地都要等耐啲先會有回覆。