prewedding同big day我都係搵咗Charles Kwok Workshop。其實好耐以前有朋友用過佢哋，加咗佢做fb朋友，到自己結婚要搵攝影時就諗起可以搵返佢。初頭我打電話同佢傾感覺都好舒服，之後上到佢studio都唔會hard sell。我哋覺得價錢合理，唔使驚佢後來要我哋加錢，收費全部都好清楚、合理同埋老實。直到宜家我已經收返晒啲相，真係由頭到尾都唔會要我哋加錢買嘢。由接咗我哋張單起，我哋好多時都係Whatsapp聯絡，有嘢要問佢都會好快答。喺出發去影相前又會提我哋有咩要帶同注意。 我哋prewedding去咗布拉格影相，大家分別出發，喺布拉格會合。嗰次有攝影師Charles、助手同化妝師Kristy幫我哋影相。我覺得Kristy化個妝都化得幾好，我幾滿意。我哋有2日時間影相，過程裡面大家都相處得好舒服。嗰2日我哋就算食飯都一齊食，覺得大家都傾得埋，佢哋態度都好nice。 之後返到香港，佢哋就send返相俾我哋揀，然後再幫我哋做相簿同油畫。我哋9月份影， 1月份結婚，佢哋12月尾1月頭俾到晒啲相同product我哋，都好手。我哋覺得啲相都好靚，好滿意。 經過prewedding嘅相處，大家都有咗默契，到Big day 都係charles同助手過黎，合作都好流暢，令我唔使擔心！Big day嗰日佢哋都會帶動啲賓客笑吓，影相開心啲，出黎效果都好好。最近有朋友問我籌備結婚嘅嘢，我都介紹咗Charles俾佢哋，之後佢哋都join咗Charles影prewedding！