我地留意到佢哋係新加坡影既相，覺得好自然，風格都啱我地，所以就搵咗佢哋。原本我地係會去澳門影，不過因為我係教書，得復活節期同週末先可以影，咁啱預定想去影個陣竟然打風，改咗期之後就keep住落雨，所以後來只好轉咗留返喺香港度影。 影相當日，我地朝早係studio影，之後中午去大帽山，黃昏就去西環，夜晚再去中環，影足12個鐘，直到夜晚返到studio都仲要幫我地影埋便服相，真係超攰！！我知道佢哋係我拍攝之前一晚先係外國工作完返黎，又好早幫我地拍足成日，但係都唔會hea，同埋攝影師哥哥都好識搞氣氛講笑話令到我地笑，真係好厲害！傾影相地點嘅時候佢哋會問咗我地意見先，然後先比自己意見我地，例如係大帽山影嘅相都係攝影師哥哥話邊度靚我地先去影，影出黎嘅相我地都好鍾意，而且個個見到啲相都讚。化妝師wincy都好好，任勞任怨，隨時都會幫我補妝set頭換衫。我媽媽平時好高要求，不過連佢見到我化完個妝都有讚，個妝容係好自然又高貴。服裝方面，如果佢哋啲婚紗可以多啲款就更好喇！ 揀相個方面，佢地會話比我地聽邊一張相做油畫好啲，邊一張襟睇啲。我地覺得啲相都好靚，所以都揀咗成3個鐘，不過佢地唔會催我地，比時間我地慢慢諗。我覺得啲相我哋都好鐘意同效果好好，以後生咗bb都想搵返佢哋拍多次！