我之前去過尼到飲，都幾中意佢地個場地，覺得整個design好好，樓底夠高，地方夠大。加上我地要擺成38圍，都算多，其實香港唔係好多地方可以揀，所以就決定揀尼間Club One。 佢地嘅staff係事前同我地傾都係有問必答，事前亦都會出哂reminders俾我地跟住去準備，例如係分枱、金器、guest list、各樣物資表都會有哂template俾我地跟，都好方便。另外我地都好怕啲好勁嘅lighting或者音響，所以都好欣賞佢地幫我地試個陣係可以整set所有野都試哂，可以好清楚到當日實際用嘅時候會發生咩事。 因為我地揀嘅呢間Club One係喺科學園，佢地當日包咗一架shuttle兩個鐘內不斷咁接送賓客，都算方便，而且當日都好順利。佢地亦有安排專人全程跟足新娘，又會提醒佢唔同野，同埋新娘房都好大，我太太都覺得滿意。啲食物聽返黎大家都好滿意，佢地特別讚個乳豬好味。