上網睇到佢哋啲相覺得好靚，睇落係影便服嘅輕鬆感覺，同埋佢哋會有段類似concept video嘅片，覺得比較特別。 佢哋係夫妻檔黎，老公影相、老婆化妝，服務態度好好！佢會同我地傾去邊度影，問下我地意見。最後去咗叮叮總站，因為我想影叮叮，而我之前睇過佢哋影叮叮都影得好靚。之後我地就再去咗機場維修區，本身以為我地影個日係好大風，佢哋就話不如改期，結果我地去個日天氣好好！！仲影到好靚既日落～不過就影唔到飛機。化妝既質素都幾好，價錢好適中！ 我覺得如果你唔係要太隆重嘅婚紗相，而係兩個人簡簡單單嘅相處，呢啲相係可以睇好耐～～啲相我覺得真係靚既，無咩可以挑剔！