我上網見到人地介紹KKoey，之後自己都問過其他幾個化妝師，覺得Koey性價比最高～ 我好滿意佢既化妝，佢比到好多意見我，例如佢覺得個頭唔洗太誇張，簡單既反而襟睇啲。我個日朝早租咗褂皇，佢一見到就話好靚。本身我有另一件迎賓既衫，之後直落證婚，但佢建議我著褂皇敬茶，最多佢幫我紮髺，佢話件褂皇咁靚唔好曬咗～～！佢轉妝既速度都好快，又有照顧到我嘅心情，會久唔久問下我點。同埋我覺得佢好細心，因為我單眼皮，佢幫我痴雙眼皮貼既時候都痴咗好耐，化完之後見到有少少唔滿意都再痴過，又帶好多首飾比我揀！好好～！