一開始我地會揀White Gallery係因為覺得佢地個package幾詳細，同埋好多野都已經好firm到比我地～u3000 佢地會將唔同嘅流程同收費好清楚咁列曬出黎，令到成件事好具體，所以有信心啲。 佢地態度都老實同穩重，同埋我地即日已經可以見到個攝影師，感覺有保障啲，唔會話到時貨不對辦。 揀地點嘅時候我地其實無預定要去邊，只係又唔想去啲多人既地方（例如日本），又咁啱見到有峇里呢個package～ 所以就揀咗呢個地方。我地２個都無去過峇里，淨係知嗰度有海，所以攝影師KK都會suggest唔同地方比我地。 我地去到峇里就發覺KK suggest既地方都好好，唔會有任何取景既問題～ 而且即使係一個好簡單既環境KK都會影得好靚！！ 我地覺得KK態度好好，唔會令到你好緊張，包括化妝師同佢既另一個partner，大家都相處得好舒服，無壓力！ 相既質素好好，甚至有啲相仲比想像中好！ 例如有啲相我地係廟入面影，本身都擔心廟入面光線唔係好夠，啲相出到黎效果唔太好，但最後我地都好滿意成品～ 化妝set頭都好滿意，好自然，唔會話唔似我～u3000 我地揀相揀得耐咗少少，但佢地都好有耐性，無催我地～