其實之前我上網見到佢地啲相好靚，見佢地主要係做wedding decoration，但個陣我已經搵左另一間公司做佈置，就無搵佢地。後尾有日咁啱行商場見到佢地間舖，就入咗去問下佢地有無得整花球，佢地話有，所以我就喺佢地度訂晒同花有關要用嘅嘢，即係花球、手花、襟花、花女啲花同埋車頭果個花。 我本身就唔想要好傳統個啲圓碌碌花球，想要散啲亂啲嗰種感覺。我就俾左我心目中想要嘅樣佢地睇，佢地啲staff都講解得好清楚，介紹吓十幾種花點樣配搭，價錢上點收費，唔會有啲咩隱形收費。花球，我想要大牡丹，但因為嗰時唔係當造期，佢地都有叫我諗定一種spare花，但最後佢地都幫我地搵到！big day當日，花車用嘅花佢地有預備個吸吸住架車，但係用用下就甩左，呢方面就希望佢地可以做得好啲。花球都唔唔錯，不過因為夏天天氣太熱，到夜晚個花邊就燶左。