我哋初頭去婚展或者係facebook到睇都無諗住搵White Gallery嘅，係婚展行行上見到佢地啲作品就隨意問下，就發現佢哋個攝影師KK同其他攝影師好唔同。 其他可能都係著重影出嚟嘅環境、背景靚唔靚。但係KK就係睇重新人嘅經歷，有無咩故事，同埋影pre-wedding個過程嘅趣事， 佢覺得pre-wedding應該係成為一對新人嘅回憶。咁我哋係佢啲相簿喥都睇得出同其他相係有分別。 我哋開頭對pre－wedding都無咩大諗法，諗住要grand，有花呀或者係好似布拉格好似皇宮嘅景，化妝同啲衫要靚。 咁但係我哋聽完KK講都覺得係，其實人先係最重要，兩個人係影pre－wedding入面有嘅回憶，甚至係同隊crew嘅經歷應該係更加重要。 咁我哋揀左去京都喥影櫻花。因為我本身鍾意花，同埋一直以嚟，係櫻花季節去日本係我嘅夢想，但係我開頭都有啲驚會唔會無咩野影， 全部都係得花，唔似歐洲個啲地方有好多唔同類型嘅街呀，建築物個啲。但後來我發現我嘅擔心係多餘，KK都好落力幫我地跑唔同場景， 小橋流水又有，古舊嘅小街又有，唔同建築物同埋夜景都有，變咗櫻花襯托出嚟有日本唔同風味。 同行嘅化妝師都好好，佢都會同我地share 自己之前跟團隊去拍攝嘅經歷。個日去到夜晚9點，我著唔慣高跟腳，所以都水腫哂同埋好攰， 咁我都唔理就赤腳係條街喥行，咁佢都好好，幫我睇住條路有無啲咩，又會提示住我，同埋又主動幫我拎住對鞋，咁我都唔好意思， 就叫我未婚夫幫我攞，但佢都會係咁話無所謂喇，不嬲都係咁。 咁同埋KK都好好，其他studio可能都係捉得好緊啲時間，但KK從來都無提住話仲有幾多個鐘個啲，淨係成日會問我地仲有無咩地方想去， 成日都想幫我哋影多D。 同埋啲衫，Jenny都幫我哋準備得好好。因為我未婚夫係1米9，generally都唔會有咁大嘅西裝，咁佢哋好好特登幫我哋訂兩套返嚟，俾新嘅我哋著， 其他公司可能都係concern錢，但佢哋就concern影出嚟嘅效果。 女裝都有好多款，同埋Jenny都keep住買啲新嘅返嚟，類型好廣，唔會話要迫於無奈，格硬揀。所以整體我哋都真係好滿意，真心好想讚下佢哋整個團隊！