我地一開頭都係同其他新人一樣，一次過向好多間唔同公司問價，最後就揀Carolyn Hung佢地。佢地覆得好快，而且每次佢地都唔單單答我問嘅野，而係會額外再答啲我地需要知嘅野，感覺佢地好貼心，所以就決定揀佢地。 我第一次去試妝嘅時候，佢就按住佢對我嘅感覺去幫我化，但係我就唔係太滿意。因為我本身平時都好少化妝，畫眼畫小小我已經覺得唔得，所以我喺試妝後都有同佢講返我自己嘅期望，想要淡啲嘅妝，於是就再約第二次去試妝。佢都好好，俾我去試第二次，仲要唔收我錢，同埋真係有聽我意見。第二次試妝我就好滿意，個妝淡淡地但又唔會唔精神，真係有就住我嘅requirements去改良！～ 到左Big Day當日佢都好好，我book左佢跟我一日，中間有啲時間，佢都主動去幫我媽咪補下妝，我媽咪都讚佢跟得好好。個髮型都set得好好，我自己都好鍾意個頭花。另外其實我big day個日都好趕，但係佢換妝set頭都好快，配合得好好！