Teris May係我地pre wedding同埋big day攝影師介紹俾我地～聽講佢地係長期嘅合作partner黎。 試妝時我覺得都無咩特別，但係到big day個日，佢化得好靚，令到我啲輪廓好出，真係好靚！同埋佢好擅長用鮮花去做啲頭飾俾新娘，成個造型都好好。佢都識得影相，會幫我影下個頭、正面同側面，擺返係佢自己網站。我特別深刻有一張相係從背後影住我，著住裙褂嘅打底紅睡衣，個張相真係好靚，感覺好好！ 我仲有book埋佢成team人幫我姊姊，媽媽化妝～feedback都好好。嗰朝早，我因為無訓過，戴極都戴唔到con，都係靠佢crew啲人先幫我戴到。雖然我戴con戴耐左，但佢都化得好快，追得返啲時間，最後只係比預期遲左少少。另外，我覺得Teris 啲專業意見都好好，我個日塊面都有啲粒粒同埋有啲敏感，佢就提議我要用噴槍。雖然要加錢，但效果真係好好多！佢set頭化妝都好快，一陣就攪掂，之後就好細緻咁幫我執啲細微位，整體真係化得好靚～