我行金都嘅時候見到佢地啲花球幾靚，都有將佢地同隔離個啲花店比較吓。我覺得雖然佢地係用假花，但佢哋真係做得好啲，所以就搵咗佢地。 其實佢舖頭入面就唔多款式俾我揀，但係佢地都可以做到我想要嘅效果。我影低左我鍾意個種花球俾佢地睇，又同佢地講哂我想要邊啲花，有咩花我唔想要，佢地都配合到哂我啲要求，砌出尼都好靚，真係好似真花咁！ 我訂嗰時都趕住要個花球，因為過幾日就有朋友幫我地影pre wedding。佢地都好好，好配合到，2-3日就已經整好。員工都好細心，有清楚講解啲配搭，同埋收費。我覺得佢地都算係好實惠，後尾我就買埋襟花，車頭花座，佢都有計平俾我地。雖然淘寶買個啲一定就平啲架喇，但係佢地服務係幾好，而且啲假花嘅質素都靚！