我地搵左Momo幫手化新娘妝，佢係幫開明星化妝，而且佢好識睇人嘅輪廓去化，唔會化得好死板。 我地pre wedding都係佢幫我地，真係睇到佢化pre wedding同big day係有分別，佢係big day時係更加細緻同嚴謹，而且會做多好多嘢幫我keep住個妝，我個妝個日真係成日都無甩過。我本身皮膚偏黑，佢都化到我好白，好靚，同埋又會幫我遮住我背脊啲粒粒，真係好滿意。同埋佢真係好細心，好細微嘅野佢都會留意到。我搵左第二批人幫我化姊妹妝，佢都靜雞雞同我講話佢地化到我有個姊妹大細眼，佢話會等到佢地走左先過去幫手畫返，廢時尷尬～佢真係好好～～！佢set頭都好快手又好靚，又帶埋個助手黎，送多兩個媽咪妝，都真係無野可以挑剔！