因為我Pre-wedding都係搵佢哋，係我攝影師介紹嘅，咁所以我big day都搵返佢，經過Pre-wedding之後覺得Maggie好好，好明白我，所以就搵返佢幫我big day化妝~~佢服務態度好好，因為我其實過咗時嘅，但佢都照留低幫我～化妝師換妝換得超快，因為我其實要好短時間keep住換妝，佢哋幫我慳咗好多時間，而且都好配合到我，例如我婚禮係迪士尼公主主題，佢都幫我化到公主妝、Elsa妝，超級滿意！我全日係不停喊，佢都不停幫我補妝、幫我抹眼淚，好貼心咁陪著我！我哋第一次同第二次見中間隔咗好耐，但因為佢真係好親切，令到我覺得一見如故，佢真係超好！令到我覺得我之後如果有BB都要再搵佢！！我覺得化妝師同我哋係好close嘅，所以應該夾到咁好，佢又好有手尾，好細心又會好早嚟到！我覺得一世都會搵佢哈哈！因為我唔洗講d咩佢都知我想點！我直頭覺得佢太配合新娘子嘅要求，佢咩都無計較，完全唔會reject我哋，希望佢為自己著想多d啊哈哈！真係太好喇佢！又化得咁靚！！真係搵完佢之後就返唔到轉頭！！我結婚前幾日又瞓唔夠，但比佢化完之後成個人容光煥發咁樣！真係好值回票價！！