我哋開頭都無咩概念pre-wedding要揀咩，就諗住去婚展行吓睇吓。喺婚展見到Joseph Photo佢哋嘅相感覺好專業，同埋佢哋嘅staff感覺都比較成熟，唔會硬sell，所以第一個接洽嘅感覺都係比較舒服～u3000另外，我哋又咁啱見到佢哋有D相喺大約春夏嘅時間喺巴黎度影，影到好靚有櫻花，我哋地都係諗住嗰個時間去巴黎，所以又再多啲信心。除此之後又見到佢哋有同名人影相，同埋比較返呢個價錢，感覺佢地比較清楚知道自己做緊啲咩，所以我哋喺婚展度就決定搵佢哋。

佢哋嘅package包一個歐洲點再加埋香港，我哋都覺得呢個安排好好，喺巴黎可以影啲classic 啲有古堡，grand 啲嘅相，喺香港就影啲日常啲我哋平時拍拖嘅地方。後來，我哋睇相見到布拉格都好靚，啲建築物好靚，我哋又無去過，就決定加埋呢個地方。其實我哋本身都覺得pre-wedding好重要，反而對於結婚其他野就無咁緊張，所以我地預算pre-wedding嘅budget都會多啲。

之後我哋就上去office度揀衫，睇衫同埋相。我哋去到揀衫，都係意料之內嘅衫，同婚展時睇過下嘅款式都係一樣，所以就無太大surprise。佢哋嘅staff都幫我搵到啱我著又靚嘅衫～u3000我夾夾埋埋都試咗十幾廿套，其中一條我好中意嘅紅色mermaid款都係staff介紹俾我。男裝都有好多，有唔少特別啲同埋有唔同花紋嘅男裝，我老公唔中意啲普通純色款，就俾佢喺嗰度搵到一款係潑墨款，佢好中意！

大概一兩個月前，佢哋就開定Whatsapp group，有客務服務、化妝師同攝影師，involve哂3個party，問我地想要咩造型，想影邊啲location，事前都已經溝通得好好，所以出到黎都好順利。而且老闆娘好好，會幫我哋揀埋地方，又會suggest邊啲位影會靚。因為我哋都唔太熟，所以佢哋都好helpful咁介紹哂唔同地方俾我地。去到Prague，我哋4點就開始化妝，6點就出門，影到3pm，佢哋全部都好nice，同我哋有傾有講，都好舒服。而且去Prague嘅攝影師呀John都好熟當地，咩時間應該影咩location，咩時間邊到會多人等等，佢都知道，又安排得好好，感覺佢哋都係好專業。

後來我哋喺同佢哋傾個過程就再決定搵埋佢地影big day，因為我哋都覺得傾左幾次大家都熟悉咗，佢地都知我哋要咩style。而且每次上去，佢哋都認得我哋，感覺好warm。我哋覺得big day係無得好似影pre-wedding咁補拍，需要一個對佢有信心嘅攝影師，所以我哋同佢哋相處過都覺得好舒服，就好自然搵埋佢哋影big day。