我big day當日有一套裙褂，一件婚紗同埋一套晚裝。除咗裙褂係租嘅之外，另外兩套都喺Rania Hatoum度買。 可能因為我本身唔係喺香港長大，我中意嘅款都唔係金都見到個啲typical款，同埋我本身身型都唔係香港好瘦個種，所以我就揀唔到衫。就算睇到覺得好靚個啲，價錢上就負擔唔到。 嗰時我喺ig度不斷睇唔同衫，咁啱睇到Rania Hatoum有Sample Sale，就決定去睇吓。又咁啱當日我上去試衫，個designer都喺度，我就揀咗套deep V半mermaid款，上身有珠片，外面有習紗，半透明望到個mermaid款，好靚～！而且係一個優惠價錢就買到！（雖然我覺得就算正價，我都負擔到同埋合理）我都試咗成四五套，跟住個designer再幫我揀，俾suggestion我，真係揀到兩條我好中意，又好啱嘅衫俾我。雖然佢係sample sale，但係佢都係要make appointment。book咗嗰一個鐘裡面有兩個人服侍我，感覺好有privacy，同埋我都試得好舒服，佢哋又會俾水俾茶我老公飲，等佢無咁悶，同埋整個過程都無hard sell，所以都試得好舒服。 我去買衫嗰陣已經7月中，而我11月就結婚其實都有D趕，所以我都有加錢俾佢地幫我改衫，等件衫再fit D。佢哋都無話係sample sale買改衫就要收貴D，都好均真。我想改短D後面個拉鍊位，個staff都無話個客話要改就改，而係打去問designer咁樣改可唔可以，見到佢地都好重視個design同埋好專業，令到我信心大咗，都好肯定改完一定無問題！